就快要告別Year3啦...
好唔怕羞咁同大家講句...
朋友們!!!我愛你呀!!!

post返呢一年做過o既野出黎~真係幾開心~hahah
一年過得好快
好多野都好似last night o既memory咁!

下年就最後一年啦...大家真係要好好珍惜
亦都要賺多d錢!!!我地日本畢業旅行等緊我地
仲有幾日就exam完~大家唔好偷懶呢~~
仲有仲有!!計劃中o既粵華聯誼會等我美國返黎就要實行啦= =+
冇30個人唔成行呀講明先!!! 30個前YW仔咁行出去先勁呀嘛!!hhaha

在威記工作的第一天...

一返到去~要搞個員工証...又要影相!!真係煩....
佢部野仲要話中左毒....要叫我食飯o個時去搞過...
之後就第一次行成條荷蘭園咁長o既員工通道返上mall
之後就講要做d咩啦~其實都只係d手板眼見功夫...easy job
10:00返工~11:00已經第一次o既心跳加速...O左咀望住個客...點解?
因為......有位客人問我地...大江戶o係邊~唔係個問題難答...而係...
問o個個係王貫中先生.....Beyond o個個....
佢真人真係ok nice~又同我地笑又有禮貌(睇得出佢心情好好)
不過就係緊張過頭....冇叫佢同我影相......T-T!!!!!!!!!!下次返工都係帶相機啦!

13:00~~放食飯~第一次食o個度d飯~一落到去d飯味都幾難頂...
不過好彩都唔算好難食...我都食得哂....算係咁
同個岩岩識o既女仔去食~d女仔真係好勁....中午可以咩都唔食~
到17:00放工都唔食野~成日只係9:30食過少少野....真係好可怕...
之後就去搞多次個員工証...第2次行成條荷蘭園咁長o既員工通道
去到...佢竟然唔開門!!!!!玩我!!!!!
咁我就要第3次行成條荷蘭園咁長o既員工通道返上mall

15:00左右有一堆日本人問麥當當o係邊....用日文....我個partner唔識聽...
但係我聽得明少少(睇keroro真係有用!!!!) .....真係睇得太多卡通啦我...
但係我都係唔識答....又係指手劃腳咁話佢知= =
過左一陣....勁野到啦...有2個死鬼婆 (一睇就知佢地唔係善男信女)
我見過d鬼婆之中佢地真係算醜樣....係醜到嘔咁...仲要同我地嘈= =
佢話佢地要張9折卡= =~其實可以~因為佢地係住客
但係佢地唔肯填form!~話做咩要比d私人資料我地....
又話now唔係搞緊credit card...只係要張9折卡~仲話比左佢地資料我佢會好危險= =
其實張form要填o既係....名...生日...收入....
佢死都唔肯....仲大大聲罵人.....真係.....好心啦...住得咁貴啦都已經...
仲貪人地張9折卡做咩....仲要迫我地比佢....真係好cheap...
(一個個樣似蝙蝠俠o既企鵝....一個似.....楊宗緯).....

16:00~~就放工啦!!~之後又做左件好事= =+~
有人問澳門apple電腦邊度有得買= =+~~~
我第一時間就叫佢去幸運閣啦~ahhahaha~仲同佢講又平又靚= =+~

17:00放工...又要再去搞個証...第4次行成條荷蘭園咁長o既員工通道...
搞好左...佢又叫我去另一個地方搞手指模!!!!好啦...咁第5次行成條荷蘭園咁長o既員工通道
去到....搞手指模.....悲劇發生了.....原來我地個個張卡都同我地做錯部門!!!!
之後...我就要第5次行成條荷蘭園咁長o既員工通道...去返搞証o個度...
再第6次行成條荷蘭園咁長o既員工通道返返去手指模o個度做record........
o個時我同2個同事都大叫救命.....真係好辛苦....仲慘過返大陸....
最後...我地第7次行成條荷蘭園咁長o既員工通道....終於出到威尼斯人....
真係辛苦勞碌的一天.........

ps:.....做咩次次d証o既number都同呢幾個字有關!!想我點呢....
繼pa433689之後....又一勁野.....29698......爆啦爆啦!!爆哂佢啦!="=

比煩姨姨點中左...
點都要抽空做下呢20條野呢

1. 和以前的戀人還會保持聯繫嗎？

咁多個~邊個先~你知我呢d人好多人要架嘛

2. 你覺得一個人成熟的標誌是什麼？

講野經大腦~唔好乜都講得餐

3. 如果有人喜歡你，你希望那人直截了當告訴你；還是搞曖昧，互相考察；或者別的方式……？

首先....我希望我都係中意佢先...如果唔係...咩都唔使講

 4. 說出你自己的三個優點。

打得少、慳家、住家

5. 你最希望從朋友（不包括愛人）那裡得到的是什麼？

比多D知識我，我發現我所知o既野好唔夠用

6. 你最想帶我（點你名的人）去什麼地方？為什麼？

帶煩姨姨同佢男朋友去芬蘭~睇住佢地搞個聖誕老人婚禮，一定好浪漫 

7. 2008年的願望。 

變大隻d!!!

 8. 最近最快樂的事情是什麼?

6月有得去美國搵Jose, 文家、偉哥、小麥佢地= =+

 9. 你現在最困惑的是什麼？

我d notes 唔知邊d打邊d....

10.遇到喜歡的人，你是勇敢表白還是默默關注？

睇人架喎= = 我都唔記得左咩係拍拖啦...

11.說出點你名的人的3個優點(不可刪除題)

靚、醒、好人 (唔咁答分分鐘比人打)

12.心情不爽的時候你經常會幹嘛？

食、訓，第日冇事

13.你會因為什麼理由選擇不跟你愛的人在一起？

唔會喎~自己中意~做咩要唔一齊?

14.第一次初戀是什麼時候呢? 

15......有冇人信?

15.你愛一個人的理由是什麼？

問o個個係唔係傻架= =

16.你現在最想擁有的是什麼？

好成績...pls

17.春天來了，你出遊有計劃嗎？去哪兒？

春天唔會，等緊6月尾!!!

18.你覺得在一份感情中，理智和激情應各占多少比例？

激情..............指咩呢?! 好鬼魅o既一條問題...
60:40啦.....

19.你現在想做或解決的事情是…? 

CM o個個cosplay event!!!!唔該...生生性性....

20.如果時間可以倒流一次, 你會選擇回到幾時的過去?

小五...去媽叉o個個睇唔起我o既老師

就o係我呢度中止吧~幸唔幸福係自己爭取
如果幸福係要答哂呢d問題先有...咁就係咀咒

我係大廚!!

唔知做咩...家人去哂旅行~我就開始放肆...係咁食食食食食...
晚上靜到真係冇人理我~我又好無聊咁去搞下d野食~

測試1:
有dd餓~睇下有咩煮...結果睇到有好耐都冇食過o既車仔麵
但係一睇下佢隻味...唔....(嘔) 雞味.....一定好難食的說...
有咩辦法唔難食呢?~~~~="=
呀!!!  撈麵啦試下~~之後睇下個雪櫃有咩料~~
正!!!~有我平時返學pack野食o個d吞拿魚!~岩哂~
又有火腿~又有芝士~一定好好味~~
結果~~~芝士火腿吞拿魚沙津撈車仔麵出現左~真係幾好食~~~85分

測試2:
因為上次試過幾好味~今次又做多一次~
不過又唔想食芝士火腿...好悶...
又搵下雪櫃仲有d咩~呀!!~正呀!!!
有花生醬!!!!!!
試少少先~~好耐冇食過咁~幾好味喎d花生醬!!
係咁落dd落dd....落到成碟野都有....
結果..........花生醬吞拿魚沙津撈車仔麵出現左......60分....2種味一齊真係好怪....
不過都仲食得落~冇所謂啦~咩都試下姐~

測試3:
我唔認輸o既性格又出黎大冒險~
今次吸收左上次經驗...花生醬真係落不得...唯有搵下其他啦
又唔想食吞拿魚了~火腿又好似有咬口d~就火腿啦!
咁今次搵咩撈呢~睇下個雪櫃先~~~
呀!!!有啦!!!上次食麥當勞食淨o既麥樂雞醬!!
撈下試下先~~~
結果..............麥樂雞醬火腿撈車仔麵出現左......30分.......真係難食到p哂k...
做咩會咁架....食麥樂雞o個時點醬又唔會覺得咁難食...我一路食一路喊咁口...
我知錯啦.....媽媽....快d返黎啦....冇人o係home我真係會係咁煮d怪野出黎....